اذا دق الحب بابك
اوعى تتمهل
دا اصله بيجى فى العمر مره
فيملأ القلب هنأ ومسره
لياليه عاطره
وسماه زاهره
وساعاته بالمنى عامره
اذا دق الحب بابك
اوعى تتمهل
********
اذا دق الحب بابك
اوعى تتعجل
دا عمره ما يجى لوحده
دا يجى معاه الهوى والهيام
والغيرة والاوهام
والليالى اللى ليلها ما بيتنام
اذا دق الحب بابك
اوعى تتعجل
********
اذا دق الحب بابك
اديه الباب ومفتاحه
وهو منه افراحه واتراحه
دا اللى داقوا الحب ما ارتاحوا
واللى سابوا الحب ما ارتاحوا
اذا طرق الحب بابك زائرا
اديه الباب ومفتاحه
********
********